• 1. Балаңызбен сөйлесіңіз:
  Интернетте пайдалы ақпаратпен қатар қауіпті деректер де бар екенін түсіндіріңіз. Балаңызға бейтаныс адамдармен сөйлеспеу және жеке мәліметтерін (аты-жөні, мекенжайы, мектеп нөмірі, құпиясөзі) ашпау керектігін айтыңыз.
• 2. Ата-ана бақылауын орнатыңыз:
  Қажетсіз сайттарға, жарнамалар мен мазмұндарға кіруді шектейтін арнайы бағдарламалар мен баптауларды қолданыңыз. Мысалы: Kaspersky Safe Kids, Google Family Link.
• 3. Сенімді қарым-қатынас орнатыңыз:
  Балаңыз интернетте қорқынышты, түсініксіз немесе жағымсыз нәрсе көрсе, сізге айта алатынын білсін. Қателігі үшін ұрыспаңыз — бастысы, ол сізге сеніп, бәрін ашық айта алу керек.
• 4. Интернетте өткізетін уақытын бақылаңыз:
  Ақылға қонымды шектеу қойыңыз: бастауыш жастағы балалар үшін күніне 1–2 сағаттан артық емес. Интернетте бірге уақыт өткізіңіз: үйреніңіз, ойнаңыз, танымдық бейнелер көріңіз.
• 5. Жеке үлгі көрсетіңіз:
  Өз мінез-құлқыңыз арқылы интернетті жауапкершілікпен пайдалануды көрсетіңіз. Жеке ақпаратты жарияламаңыз және жалған ақпарат таратпаңыз.
• 6. Қауіпсіздік ережелерін түсіндіріңіз:
  – Күдікті сілтемелерге өтпеңіз.
  – Тексерілмеген файлдарды жүктемеңіз.
  – Интернеттегі барлық ақпаратқа сене бермеңіз.